søndag 25. august 2013

Topptor på Vangsen :)

I dag skulle Viktor på Vangsen (1757 moh)  i Jostedalen for fyrste gong. Me køyrde opp til Vanndalsvatnet (1045 moh), kledde på oss og sette i gang å gå oppover steinrøysa.
Viktor med ny Ulvang-hue for anledningen, den passa godt!


Viktor kosar seg i bæremeisen, godt å ha smokken å gomle på :)




Då er me komme godt oppi bakkane over Vanndalsvatnet, pappa ber meis og mamma har sekk i dag.


 Mamma med Jostedalsbreen i bakgrunnen, lett på tå!



Då har me toppen av Vangsen i sikte, ikkje langt att no!

Når me var komme nesten heilt til topps, var det ei bratt snøfonn, der pappa og Viktor fann ut at dei burde stå over siste biten. Breen var ned på eine sida og steinrøysa på andre sida, så det hadde vore dumt om pappa hadde reist skreiande med Viktor på ryggen. Mamma fortsette til toppen i lag med Norman og Mai Karin, som me tilfeldigvis trefte på vegen oppover, i mellomtida åt pappa og Viktor nistepakke og appelsin, det var namm!
Pappa og Viktor med toppen i bakgrunnen.

Viktor og pappa kosar seg i finveret :)


 Mamma og Viktor kosar seg med Jotunheimen i bakgrunnen. Sjå alle tindane!


Og so ser me nedatt i Jostedalen :) Myrhyrna (1448 moh) bak hovudet til mamma.


So er me nesten komme nedatt bakkane, stive og støle i beina!


Og så endeleg nedatt ved bilen, alle tre trøytte og gode, men ein av oss var nok trøyttare enn resten.


Mamma, pappa og Topptor kosa oss kjempemykje på ein fin topptur med fin utsikt i fint ver. Neste gong skal alle tre heilt opp! Takk for turen :)

3 kommentarer:

  1. Det var fint at dere stoppet og ikke tok noen sjanser med Viktor. Han får sikkert flere fine turer opp til Vangsen senere.

    SvarSlett
  2. Ser ut som dikka har hatt ein kjempe flott tur :) Fine bilde

    SvarSlett
  3. Så fin blogg du har! Og herlig liten turkamerat da, ser at han koser seg på tur ja :-)

    SvarSlett